Политехникийн коллежийн багш нарын бүсийн уралдаан болж байна. 2015-05-14 Говийн бүсийн арга зүйн төв, Өмнөговь аймгийн Политехникийн коллежи хамтран говийн бүсийн 5 аймгийн Политехникийн коллежийн багш нарын дундах ур чадварын уралдаан хэлэлцүүлэг өнөөдөр нээлтээ хийлээ. Аймгийн Политехникийн коллежийн байранд зохион байгуулагдаж байгаа энэхүү арга хэмжээний нээлтийн арга хэмжээнд аймгийн Засаг даргын орлогч, Политехникийн коллежийн ТУЗ-ийн дарга Д.Нацагдорж, Политехникийн коллежийн захирал Ж.Нямсан нар нээж үг хэлсэн юм. Говийн бүсийн Политехникийн коллежийн багш нарын ур чадварын уралдаан, хэлэлцүүлэг 2 өдөр үргэлжлэх бөгөөд Налайх, Эрдэнэт, Өмнөговь, Дорноговь, Говьсүмбэр, Дундговь аймгийнхан оролцож байна.